اشكي لمين انا حالي ..

اشكي لمين انا حالي ..
وايش الي لي .. والي مالي ..
انا تحطمت أمالي ..
وضـاع تعب الليالي ..
سنين وأنا اتوقع انه هالبلاء لي لحالي ..
والمشكلة كل ماشكيت لاحد القاه من حالي ..
حالي صار حبيب من الشباب قريب ..
عصيب .. الوضع علينا والله عصيب ..
طبيب .. ندور على طبيب يدواي الجراح ..
ياربي كم تعبنا وانت عالم باللي راح ..
الي راح سنين من التعب معاها كد ..
سنين واحنا نطبق مقولة ‘‘من جد وجد‘‘ ..
جدينا واجتهدنا .. سنين تحكي تعبنا ..
مالقينا اللي يرضي طموحنا او نصف غايتنا ..
بدينا ماانتهينا .. عطينا ماخذينا ..
عملنا مااتجزينا .. طلبنا ماانعطينا ..
فكرتوا ايش اللي فينا ..؟! فكرتوا ايش بيجينا ..؟!
غير الذل والمهانة .. وفي الاخير بكينا ..

ليش في البداية ..
ما علمتونا ايش اللي راح يصير معانا في النهاية ..؟!
تعبنا اجتهدنا بنينا املنا ..
وضاع الامل وصرنا لهالدنيا ضحايا ..

صرنا ضحايا .. نلفلف في الشوارع ..
ان شافنا مسؤول .. قال شوفو شباب ضايع ..
مين الي ضيعنا ..؟! مين الي حطمنا ..؟!
أيام كانت حلوة .. أيام مدرستنا .. وشنطتنا .. وكراستنا ..
والحلم الصغير .. أيام التفكير .. يارب متى اصير كبير ..
متى اصير طبيب او مهندس او طيار ..
كبرنا وصرنا نفس ماكنا والحلم هو الي طار ..
دار .. الزمن دار .. ماعرفنا شاللي صار ..
احتار .. العقل احتار .. واتشتت الافكار ..
علمتونا واحنا صغار ..
أهم شي تكون غايتنا ..
اول مانصير كبار كيف نقدر نخدم امتنا ..
ليش طيب ليش تغير هالقرار ..؟!
ليش الواسطة صارت هي بوابة الاختيار ..؟!
الي تعب وكرف .. ينحط مكان الي انحرف ..؟!
ياربي ادعوك خذ كل ظالم على النار ..