اردني انجلش
اهلا و سهلا بكم في منتداكم و كل عام و انتم بالف خير




انضم إلى المنتدى ، فالأمر سريع وسهل

اردني انجلش
اهلا و سهلا بكم في منتداكم و كل عام و انتم بالف خير


اردني انجلش
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصة حوار بين ام وابنها طالب التوجيهي

اذهب الى الأسفل

قصة حوار بين ام وابنها طالب التوجيهي Empty قصة حوار بين ام وابنها طالب التوجيهي

مُساهمة من طرف GNASSORA الأربعاء 26 يناير 2011 - 15:56

قصة حوار بين ام وابنها طالب التوجيهي


الأم: ليش طالع من غرفتك ليش ما عم تدرس؟؟؟
الابن: يا ماما هلا اطلعت!!
الام: كيف هلا اطلعت صارلك ساعتين بتتمشى في البيت ؟؟ ادخل أدرس !!
الابن : لا والله هلا اطلعت بس رحت على الحمام وبعدين رجعت .. وبدي اعرف شو طابخه ؟؟
الام : فوت أدرس ولما يجهز الغدا بناديك ...

( يدخل الابن على الغرفه وبعد دقيقتين بطلع من الغرفه ..!! )

الام : لك شو مالك انضب في الغرفه فوت أدرس..
الابن : يا ماما درست كثير واطلعت أغير جو...
الأم : طيب ماشي بدك تغير جو .. روح على الدكانه جيب علبه لبن بس من شاااااااان الله ما تطول بدي أحط الغدا عشان تتغدى وتفوت تدرس .

( بطلع الابن وبكون لابس شحاطة امه وشورت وبلوزه خفيفه وشعره منكوش ولحيته طويله عشان كتير مشغول بالدراسه ومش فاضي يحلق !!! الابن بشتري علبة لبن وسيجارتين فرط من الدكان ، وبلاقي صحابه قاعدين عند الدكان وبقعد ساعه معهم يدخن ويحكو بكل الامور عدا الدراسه!!! ولما يرجع على البيت بلاقي امه معصبه ... وبتستقبلو بكورس مشكل من البهادل )

الأم : لك ببعتك على الدكان ابتقعد ساعه لك ما حتخلص التوجيهي غير لما اتخلص علي لك قصرتلي عمري بهالسنه
والاكل برد وبدي تتغذى عشان ترجع تدرس ..
الابن : يا ماما مالقيت في هاي الدكان فرحت على دكانة الحاره الثانيه ..!!!

(وبعد نقاش عنيف تقتنع الام ولما يمر من جنبها)

الام : تعا لهون ليش ريحتك دخان ؟؟؟
الابن : يا ماما كنت بالدكان وكل الي في الدكان كانو يدخنو !!!

بعد الغدا الام: يا ماما الله يرضى عليك قوم ادرس .
الابن بصوت عالي : وبعدين معك انا كل ما تشوفيني قاعد بتحكيلي قوم ادرس هلا مين التوجيهي انا ولا انتي يعني مصلحتي انا يعني انا بديــ ...!!!

( يقاطع كلام الابن بضربه صاروخيه من الام بشحاطه باتجاه الابن الذي يهرب بسرعه الى غرفته.. بعد ربع ساعه الام ابتعمل شاي وبتفوت على غرفته بتلاقيه قاعد بتأمل بالحيطان...... )

هاد المشهد فقط يتكرر يوميا بين الام وابنها طالب التوجهي مع اغلب الطلاب انا ما بقول كل الطلاب ولكن الاغلب هيك بصير معهم !!!! الام ابتحكي لأبنها كلمة ( أدرس) في اليوم الواحد خلال التوجيهي تقريبا 15 مره هاد اقل شي يعني كل ما اتشوفه سرحان او طالع من الغرفه او او ... معناته كل فصل اربع شهور الفصلين مع الامتحانات ثمانية شهور بما ان الام ابتحكي لأبنها 15 مره كلمة أدرس كحد أدنى في اليوم ابتطلع الام حاكيه لأبنها طول سنة التوجيهي 3600 مره كلمة أدرس !!!!!!

لو نفرض انه الابن حفظ مقابل كل كلمة ادرس معلومه وحده من الدراسه راح يطلع عنده 3600 معلومه انا متأكد انه لو حفظ 3600 معلومه راح يجيب الاول لى عمان !!!!!!! لكن الغريب انه الام بس يرسب ابنها ابتقعد تلطم وتقول: والله انه ابني درس ومن هم لله الوزاره رسبوه والتوجيهي حظ !!!!



قصة حوار بين ام وابنها طالب التوجيهي Cricket1
GNASSORA
GNASSORA
مؤسسين الشبكة
مؤسسين الشبكة

انثى
عدد المساهمات : 7167
نقاط : 25740
السٌّمعَة : 59
تاريخ التسجيل : 11/01/2011
الموقع : Jordan
تعاليق : TO BE OR NOT TO BE THAT``S THE QUESTION

https://jordan-english.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى